№16 ЖУАЛЫ КОЛЛЕДЖІНІҢ ӨТКЕНІ МЕН БҮГІНІ

№16 Жуалы колледжі ауданымыздағы ертеден келе жатқан оқу орындарының бірі болып саналды. Колледждің тарихы еліміздің, оның ішінде ауданымыздың тарихымен тығыз байланысты. 1957 жылы сол кезде «Казанка машина-трактор станциясы» деп аталатын кәсіпорынның базасы негізінде №57 Шақпақ-Бірлік училишесі болып ашылды. Жұмысшы мамандарын даярлайтын оқу орнының әр жылдары училище... мектеп... лицей... колледж деп аталуы өтіп кеткен оқиғалар тізбегі ғана емес. Бұл біріншіден, оның негізін қалаған тамаша адамдардың, еңбекқор ұжым мен түлектердің тарихы. Басшылар мен колледждің өркендеуіне зор үлес қосқан оқытушылардың, өндірістік шеберлер мен түлектердің есімдері колледждің тарихында жазылыпиқалатыны сөзсіз.